اب میری نگاہوں میں جچتا نہیں کوئی ۔ خالد محمود خالد

شاعر : خالد محمود خالد

نعتِ رسولِ آخر صلی اللہ علیہ وآلہ وسلم

اب میری نگاہوں میں جچتا نہیں کوئی

جیسے میرے سرکار ہیں ایسا نہیں کوئی

تم سا تو حسیں آنکھ نے دیکھا نہیں کوئی

یہ شان لطافت ہے کہ سایہ نہیں کوئی

اے ظرف نظر دیکھ مگر دیکھ ادب سے

سرکار کا جلوہ ہے تماشہ نہیں کوئی

کہتی ہے یہی طور سے اب تک شب۔ معراج

دیدار کی طاقت ہو تو پردہ نہیں کوئی

ہوتا ہے جہاں ذکر محمد کے کرم کا

اس بزم میں محروم تمنا نہیں کوئی

اعزاز یہ حاصل ہے تو حاصل ہے زمیں کو

افلاک پہ تو گنبد خضرا نہیں کوئی

سرکار کی رحمت نے مگر خوب نوازا

یہ سچ ہے کہ خالد سا نکما نہیں کوئی

نعت خوانوں میں کلام کی پذیرائی

| شہباز قمر فریدی کی آواز میں

| قاری سعید چشتی کی آواز میں

| اویس رضا قادری کی آواز میں

| فصیح الدین سہروردی کی آواز میں

| صدیق اسماعیل کی آواز میں

مزید دیکھیے

خالد محمود خالد