سکونِ دل انیسِ جاں حضور تھے حضور ہیں ۔ اختر سہیل

شاعر: اختر سہیل

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

سکونِ دل انیسِ جاں حضور تھے حضور ہیں

علاجِ گردشِ جہاں حضور تھے حضور ہیں

ازل سے تا ابد اُنہیں کے نور کی تجلّیاں

چراغِ بزمِ کُن فکاں حضور تھے حضور ہیں

نہ کوئی اُن کی مثل تھا نہ کوئی اُن کی مثل ہے

شہنشہِ پیمبراں حضور تھے حضور ہیں

نفس نفس صداقتیں ، قدم قدم ہدایتیں

حقیقتوں کے ترجماں حضور تھے حضور ہیں

فضائے کفر و شرک کی سیاہیوں کے درمیاں

مثالِ ماہ و کہکشاں حضور تھے حضور ہیں

غموں کی بادِ تند میں حیات کی خزاؤں میں

مثالِ شاخِ گلفشاں حضور تھے حضور ہیں

اُنہی کی ذاتِ پاک سے ہیں زندگی کے ہم ہمے

سہیلؔ ! رونقِ جہاں حضور تھے حضور ہیں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی