صارف:محمد فیضان قادری

'تیرے ہی بس میں ہے....

تیرےہی بس میں ہےذرے کو ستارہ کرنا

شمس کو پھیرنا مہتاب دو پارہ کرنا

رب کی یہ شان ،تری شان ہے واضح کرتی

بے لقب تجھ کو کبھی بھی نہ پکارا کرنا

ہو رہے ہیں ترے درجات بلند اور بلند

کس کے بس میں ہے شہا ذکر تمہارا کرنا

عاشقوں کے لئے معراج یہی ہے آقا

سر کی آنکھوں سے ترے در کا نظارہ کرنا

بس یہی آگ دلائےگی جہنم سے نجات

آتشِ عشق بہرحال گوارا کرنا

کیوں نہ ہم ناز کریں اپنے مقدر پر کہ

ہے میسر تیرے ٹکڑوں پہ گذارا کرنا

تیرے ہر حکم کو اصحاب بجا لاتے تھے اُن کو کافی تھا فقط تیرا اشارہ کرنا

               محمد فیضان قادری