فضل رب العلی اور کیا چائیے ۔ سکندر لکھنوی

شاعر: سکندر لکھنوی

نعتِ رسولِ آخر صلی اللہ علیہ وآلہ وسلم

فضل ربِ العلی اور کیا چائیے

مل گئے مصطفیٰ اور کیا چائیے

دامنِ مصطفیٰ جس کے ہاتھوں میں ہو

اس کو روزِ جزا اور کیا چائیے

گنبد سبز خوابوں میں آنے لگا

حاضری کا صلہ اور کیا چائیے

بھیگ کے ساتھ ہی ان کے دربار سے

مل رہی ہے دعا اور کیا چائیے

یہ جبیں اور ریاض الجناں کی زمیں

اب قضا کے سوا اور کیا چائیے

ہے سکندر ثنا خوانِ شاہِ اُمم

عزت و مرتبہ اور کیا چائیے