سانچہ:نعت 2
نعت کائنات سے
نظرثانی بتاریخ 10:21، 31 اگست 2017ء از 8.37.235.249 (تبادلۂ خیال) (←نعت ِ رسول ِ کریم صلی اللہ علیہ وآلہ وسلم)
نعت ِ رسول ِ کریم صلی اللہ علیہ وآلہ وسلم
خیال کیسے بھلا جائے گا جناں کی طرف
نظر ہے شاہِ دوعالم کے آستاں کی طرف
تمام نبضِ دوعالم ٹھہر گئی اس دم
چلے جو سیّدِ کونین لامکاں کی طرف
یہ دھوپ حشر کی جھلسائے گی مجھے کیسے
ٹھکانہ میرا ہے جب اُن کے آستاں کی طرف
نہ جانے کس گھڑی آجائے گا پیامِ اجل
اے زیست لے کے تُو چل شاہِ این و آں کی طرف
بنا کے رحمت و عظمت کا اک حسیں پیکر
خدا نے بھیجا ہے آقا کو دوجہاں کی طرف
ہے سودمند بہت ذکرِ سیدِ عالم
کوئی بھی راستہ اس کا نہیں زیاں کی طرف
نواز میرا مقدر سنور ہی جائے گا
نظر ہو اُن کی اگر مجھ سے خستہ جاں کی طرف