بہزاد لکھنوی کی نعتیں

نمونہ کلام

پھر در مصطفی کی یاد آئی

پھر در مصطفی کی یاد آئی

کعبہ مدعا کی یاد آئی

کھل گیا جس سے دائمی گل دل

اس صبا اس ہوا کی یاد آئی

جو تھا ورد زماں مواجہہ میں

اس درد وفا کی یاد آئی

ہے جو تزئین مسجد نبوی

پھر اسی نقش پا کی یاد آئی

جالیوں کی قریں جو مانگی تھی

اس مرادوں و دعا کی یاد آئی

دیکھ کر اپنا عالم مسرور

ان کے لطف و عطا کی یاد آئی

ہوگئی پھر جبین دل بیتاب

قبلتیں و قبا کی یاد آئی

بن گیا قلب منبع انوار

گنج نور و ضیا کی یاد آئی

پھر مچلنے لگا ہے دل بہزاد

خاتم الانبیاءﷺ کی یاد آئی

تصور میں منظر عجیب آ رہا ہے

تصور میں منظر عجیب آ رہا ہے

کہ جیسے وہ روضہ قریب آ رہا ہے

جسے دیکھ کر روح یہ کہہ رہی ہے

مرے درد دل کا طبیب آ رہا ہے

یہ کیا راز ہے مجھ کو کوئی بتائے

زباں پر جو اسم حبیب آ رہا ہے

الہی میں قربان تیرے کرم کے

مرے کام میرا نصیب آ رہا ہے

وہی اشک ہے حاصل زندگانی

جو ہر آنسو پہ یاد حبیبﷺ آ رہا ہے

جسے حاصل کیف کہتی ہے دنیا

خوشا اب وہ عالم قریب آ رہا ہے

جو بہزاد پہنچا تو دنیا کہے گی

در شاہ پر اک غریب آ رہا ہے

شراکتیں

صارف:تیمورصدیقی