یا محمد ہے سارا جہاں آپ کا ۔ بہزاد لکھنوی
نعت کائنات سے
نظرثانی بتاریخ 06:31، 13 مئی 2017ء از تیمورصدیقی (تبادلۂ خیال | شراکتیں) (نیا صفحہ: {{بسم اللہ}} شاعر : بہزاد لکھنوی ==== نعت رسول اللہ صل اعلی علیہ و سلم ==== یا محمد ہے سارا جہاں آپ کا...)
شاعر : بہزاد لکھنوی
نعت رسول اللہ صل اعلی علیہ و سلم
یا محمد ہے سارا جہاں آپ کا
یہ زمیں آپ کی آسماں آپ کا
رحمت عالمیں آپ کی ذات ہے
سب یہ لطف کرم ہے عیاں آپ کا
آپ کا ذکر کرتی ہے ہردم زباں
قلب کرتا ہے ہردم بیاں آپ کا
عاصیوں کے لیے جز ندامت ہے کیا
آسرا ہے شفیع زماں آپ کا
اس کو رہتی ہے ہردم مدینے کی دھن
یہ جو بہزاد ہے نعت خواں آپ کا
