ابو الخیر کشفی
نعت کائنات سے
نظرثانی بتاریخ 08:44، 3 دسمبر 2017ء از ابو الحسن خاور (تبادلۂ خیال | شراکتیں)
مطبوعات
نمونہ کلام
تو حرف دعا ہے مرے مولا ، مرے آقاﷺ
تو حرف دعا ہے مرے مولا، مرے آقاﷺ
رحمت کی نوا ہے مرے مولا ، مرے آقاﷺ
گرداب بلا میں ہے ترا نام سفینہ
تو موج کشا ہے مرے مولا ، مرے آقاﷺ
اس جد مکانی سے گزر کر ترا نغمہ
میں نے بھی سنا ہے ، مرے مولا ، مرے آقاﷺ
بکھرے ہوئے لمحوں میں سلامت ہیں دل و جاں
یہ تیری عطا ہے ، مرے مولا ، مرے آقاﷺ
جو لمحہ تری یاد سے آباد ہوا ہے
اک کنج حرا ہے ، مرے مولا ، مرے آقاﷺ
تسکین دل و جاں کی ہر اک صورت مطلوب
طیبہ کی ہوا ہے ، مرے مولا ، مرے آقاﷺ
وہ گنبد خضری کے قریں طائر تنہا
کشفی کی نوا ہے ، مرے مولا ، مرے آقاﷺ