حزیں صدیقی

حزیں صدیقی کا اصل نام محمد عفیف الدین تھا۔ 1920ءمیں روہتک میں پیدا ہوئے۔ مادری زبان اردو تھی۔ شاعری کا آغاز1942ءمیں کیا۔ 1945ءمیں لاہور میں احسان دانش کی شاگردی اختیار کی۔آل انڈیا ریڈیو دہلی سے بطور صداکار وابستہ رہے۔1947ءمیں ہجرت کے بعد ملتان آگئے۔ حزیں صدیقی کا فلمی صنعت سے بھی رابطہ رہا۔شباب کیرانوی کی بعض فلموں کے ڈائیلاگ اور گیت لکھے۔ملتان میں حزیں صدیقی کی بیٹھک ایک اکیڈمی کا درجہ رکھتی تھی جہاں ہرماہ باقاعدگی سے مشاعرے منعقد ہوتے تھے۔ان کا شعری مجموعہ ”قفس رنگ۔۔۔ (1990 ) ان کی زندگی میں ہی شائع ہوا اور ” حرف ابد“۔۔۔(1996 ) ان کی وفات کے بعد منظرعام پرآیا۔آپ کا 27دسمبر 1995ءکو ملتان میں انتقال ہوا۔