حقیقت میں وہ لطفِ زندگی پایا نہیں کرتے ۔ حامد لکھنوی

شاعر : حامد لکھنوی

نعت رسول اللہ صل اعلی علیہ و سلم

حقیقت میں وہ لطف زندگی پایا نہیں کرتے

جو یاد مصطفیٰ ﷺ سے دل کو گرمایا نہیں کرتے

زبان پر شکوہِ رنج و الم، لایا نہیں کرتے

نبی ﷺ کے نام لیوا، غم سے گھبرایا نہیں کرتے

محمد مصطفیٰ ﷺ کے باغ کہ پھول ایسے ہیں

یہ بے پانی کے تر رہتے ہیں، مرجھایا نہیں کرتے

ندامت ساتھ لے کر حشر میں اے عاصیو جانا

سنا ہے شرم والوں کو وہ شرمایا نہیں کرتے

اگر ہوجذبہ صادق تو اکثر ہم نے دیکھا ہے

وہ خود تشریف لے آتے ہیں، تڑپایا نہیں کرتے

جو انکے دامن رحمت سے وابستہ ہیں، اے حامدؔ

کسی کے سامنے وہ ہاتھ پھیلایا نہیں کرتے

نعت خوانوں میں کلام کی پذیرائی

| سید صبیح الدین رحمانی کی آواز میں

[http://www.naatview.com/haqeqat-mein-wo-luft-e-zindagi-owais-raza-qadri/ | اویس رضا قادری کی آواز میں[

| صدیق اسماعیل کی آواز میں

| حاجی مشتاق قادری کی آواز میں

مزید دیکھیے

حامد لکھنوی