خرم خلیق

خرم خلیق ،اسلام آباد

مجموعہ ہائے کلام

نعتیہ مجموعہ: "بابِ فضیلت"

نمونہ کلام

انوارِ الٰہی کا خزینہ ہے مدینہ

نعتِ رسولِ آخر صلی اللہ علیہ وآلہ وسلم

انوارِ الٰہی کا خزینہ ہے مدینہ

مومن کے لیے وادِیِ سینا ہے مدینہ

یثرب تھا کبھی جب نہ تھے اِس دل میں محمد

اب اُن کی سکونت سے یہ سینہ ہے مدینہ

ہاں، ہو گی کہیں اس کے مضافات میں جنت

منزل تو مسافر کی مدینہ ہے مدینہ

تھی ایک ہی طوفاں کے لیے نوح کی کشتی

پر سارے زمانوں کا سفینہ ہے مدینہ

ہے بیش بہا اس کے دمکنے سے یہ خرم

انگشتری دُنیا ہے، نگینہ ہے مدینہ

مزید دیکھیں

نعت گو شعراء