دکھا دو اب رُخ انور خدارا یارسول اللہ ۔ فوزیہ شیخ
نعت رسول کریم صلی اللہ علیہ وآلہ وسلم
دکھادو اب رُخ ِ انور خدارا یارسول اللہ 💝 ہیں مدت سے نگاہیں میری تشنہ یا رسول اللہ💝
تری فرقت میں روزوشب تڑپتی ہو ں مرے آقا شبِ ہجراں میں کر دو اب اجالا یا رسول اللہ 💝
تری چوکھٹ پہ جو آیا وہ دامن بھر کے جائے گا یہی دُکھیوں کا ہے واحد سہارا یا رسول اللہ 💝
کرے سیراب عالم کو سمندر تیری رحمت کا نہیں ممکن رھے کوئی بھی پیاسا یا رسول اللہ 💝
فلک معراج کی شب سے ہے نازاں اپنی قسمت پر کہ اس نے تھا قدم چوما تمہارا یا رسول اللہ 💝
فرشتے حشرمیں کھینچیں اگر سوئے جہنم تو ۔۔ مجھے دامان ِ رحمت میں چھپانا یا رسول اللہ 💝
گنہگارو نہ غم کرنا شفیع المذنبیں ھے وہ ملا کشتی کو طوفاں میں کنارا "یا رسول اللہ "💝
خدا شاہد اسے کوئی مصیبت چھو نہیں پائی محبت سے ھے جس نے بھی پکارا ""یا رسول اللہ ""💝
کوئی محبوب اپنا کب کسی سے بانٹ سکتا ہے کرم اس کا تجھے ہم میں اتارا یا رسول اللہ 💝
کہیں دنیا پکارے ہے کہیں عصیاں نے گھیرا ہے تو رُسوائی سے فوزی کو بچانا یا رسول اللہ 💝
فوزیہ شیخ