زندگی ہو بسر مدینے میں ۔ الطاف احسانی

شاعر: الطاف احسانی

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

زندگی ہو بسر مدینے میں

میں رہوں عمر بھر مدینے میں

خضر کی عمر بھی جو مل جائے

وہ بھی ہے مختصر مدینے میں

میرے دل کو قرار آئے گا

جا کے اے ہم سفر مدینے میں

جھک گئے بے خودی کے عالم میں

سجدہ کرنے کو سر مدینے میں

تھے جو گمراہ کلمہ پڑھ کر وہ

آگئے راہ پر مدینے میں

زندگی کامیاب ہو جائے

موت آئے اگر مدینے میں

اُن کی چوکھٹ پہ سجدہ کرتے ہیں

روز شمس و قمر مدینے میں

اپنے الطافؔ کو بلا لیجے

شاہِ والا گہر مدینے میں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی