سب سے اعلی ہے نبی کی ذات کہہ ۔ سلطان محمود

شاعر : سلطان محمود

نعتِ رسولِ آخر صلی اللہ علیہ وآلہ وسلم

سب سے اعلی ہے نبی کی نعت کہہ

ان کی اک اک بات رب کی بات کہہ

خود مدد فرمائے گا پروردگار

تھام قرطاس و قلم اور نعت کہہ

اپنے ہر عاشق کی ان کو ہے خبر

ان سے تو مت صورت ِ حالات کہہ

"اذ رمیت" والی آیت پڑھ کے دیکھ

دست ِ احمد کو خدا کا ہات کہہ

ان کی زلفوں کی ہے تجھ میں تیرگی

کتنی خوش قسمت ہے تو اے رات۔ کہہ

میں تو بس یوں ہی برائے نام ہوں

اصل ہے سلطان ان کی ذات کہہ