شاکر القادری

نعت کائنات سے
Jump to navigationJump to search

سید شاکر القادری صاحب کا تعلق اٹک، پاکستان سے ہے۔آپ خدمتِ نعت میں پیش یپش ہیں اور "نعت کائنات کے مدیران میں سے ہیں

اصل نام سید ابرار حسین گیلانی ہے۔ قلمی نام شاکر القادری ہے اور شاکر تخلص کرتے ہیں۔ 1960ء میں پنجاب کے شہر اٹک میں گیلانی سادات کے ایک گھرانے میں پیدا ہوئے ۔ والد بزرگوار سید محمدسلیمان شاہ گیلانی منشی فاضل اور ادیب فاضل تھے۔ خطاطی، مصوری، نقاشی اور آئنہ سازی کو ذریعہ معاش کے طور پر اختیار کر رکھا تھا . بعد میں ترک دنیا کر کے عبادات و ریاضات میں مشعول ہوگئے۔ سلسلہ چشتیہ سے تعلق رکھتے تھے اور تمام عمرتبلیغ و ارشاد کا فریضہ انجام دیتے رہے۔شاکرالقادری نے اتبدائی تعلیم اٹک میں ہی حاصل کی لائبریری سائنس میں گریجویشن علامہ اقبال اوپن یونیورسٹی سے کیا اور ضلع کونسل اٹک مییں بطور کتاب دار ۳۴ سال تک خدمات انجام دینے کے بعد اب ریٹائرمنٹ کی زندگی گزار رہے ہیں۔ خطاطی کا شوق شاکر القادری کو وراثت میں ملا اور انہوں نے اسے عصری تقاضوں سے ہم آہنگ کرتے ہوئے اردو ٹائپو گرافی اور فونٹ سازی میں قابل قدر خدمات انجام دیں جس پر انہیں اکادمی ادبیات اور اردو ویب کی جانب سے نقد انعام اور اعزازی شیلڈ سے نوازا گیا۔انہوں نے مختلف سافٹ ویئرز کو مقامیانے اور اردو زبان میں ان کا ترجمہ کرنے میں بھی قابل قدر کام کیا۔ شاکرالقادری اردو ،فارسی اور پشتو پر یکساں مہارت رکھتے ہیں اردو اور فارسی کے خوش گو شاعر ہیں ۔ شاکر القادری سلسلہ چشتیہ نظامیہ میں اپنے والد کے حلقہ بگوش ہیں اورانہی سے اجازت و خلافت حاصل کی ۔شاکرالقادری کی علمی ، دینی اور ادبی خدمات کو قدر کی نگاہوں سے دیکھا جاتا ہے۔ نعت کے حوالے سے بات کی جائے تو شاکر القادری فروغ ِ نعت کو زندگی کا مشن بنانے والے استاد نعت گو شاعر، نقاد اور محقق ہیں۔ تا حال اٹک میں مقیم اور عالمی سطح پر فروغ نعت میں مصروفِ عمل ہیں ۔


خدمات

  • ماہنامہ ن والقلم کا اجرا
  • سادات مدرسۃ الاسلام کا قیام
  • اردو زبان میں بے شمار نستعلیق، نسخ اور آرائشی فونٹس (خطوط) تیار کیے اور عوامی استفادہ کے لیے مفت ریلیز کیئے جن میں سب سے مشہور اور اہم " القلم تاج نستعلیق فونٹ " ہے ۔

اعزازت

  • مدیر "نعت کائنات "

تصانیف

مبادیات اسلام

عکس رخ یار - رباعیات عمر خیام کا منظوم ترجمہ

جوامع القلم

تحریر الشھادتین

چشمہء فیض،

برق بیتاب

چراغ، [2016] ء نعتیہ مجموعہ

مشائخ اٹک(زیرطبع)

مقالات (زیر طبع)

تاریخ اٹک (زیر طبع)

منظوم کلام(زیرطبع)

مضامین

غیر مسلم شعراء کا نعت گوئی میں حصہ

شاعری

نعت کائنات میں معاونت

زیر ادارت صفحات

غیر مسلم شعراء کی نعت گوئی

نئے صفحات

غیر مسلم شعراء کی نعت گوئی

صفحات میں معاونت

نعت کائنات میں صفحہ تشکیل دینے کا طریقہ کار

حواشی و حوالہ جات