ضیا الدین نعیم

نعت گوئی

"نعیم صاحب کی شاعر ی میں نعتیہ لہجہ سادہ ہونے کے باوجود دل میں اترجانے والاہے۔ اس لیے کہ ان کی شاعری میں حضورِ اکرم صلی اللہ علیہ وآلہٰ وسلم کا اسوہء حسنہ ‘شعری بنت میں جلوہ آراء ہوکر الفاظ و معانی کے دریچوں کو روشنی کی سمت کھول رہا ہے۔ان کی نعتوں میں صرف جذبہ نہیں بلکہ جذبے کے ساتھ احساسِ پیروی بھی ہے اور پیروی کے لیے جس نقشِ قدم کی ضرورت ہے وہ بھی نعتیہ اشعار میں سورج بن کر چمک رہا ہے۔" <ref> سید ضیاء الدین نعیم کے نعتیہ اظہاری زاویے ۔ ڈاکٹر عزیز احسن </ref>

نمونہ ءِ کلام

کھلاوں مسکین کو کھانا ، سلام عام کروں

نبی جو کرتے رہے ہیں وہی میں کام کروں

درشت لہجہ نہیں ہے حضور کی سنت

میں نرم لہجے میں ہر ایک سے کلام کروں

۔۔۔۔۔۔۔۔۔۔

محبت ہی محبت تھی ‘ حکیمانہ رویَّہ تھا

وہ جس نے ایک عالم کو نبیؐ کی سمت کھینچا تھا

۔۔۔۔۔۔۔۔

پہلے آئے تھے نہ ویسے کبھی آئے شب و روز

عہدِ پیغمبرِ آخر نے جو پائے شب و روز

’’تو کیا کفار کی خاطر تم اپنی جاں گھلا لوگے‘‘

یہ کہہ کر رب نے ان کو اتنا غم کرنے سے روکا تھا

مکمل کلام

• یہ خانۂ نبی ہے ، یہاں زر نہ مال ہے
• کھلاؤں مسکیں کو کھانا، سلام دعا کروں

ضیا الدین نعیم پر مضامین

سید ضیاء الدین نعیم کے نعتیہ اظہاری زاویے ۔ ڈاکٹر عزیز احسن

احباب کی آراء

ابو الحسن خاور

جناب سید ضیا الدین نعیم ایک ایسی شخصیت ہیں جو دوست تو بہت جلد بن جاتی ہے لیکن آہستہ آہستہ کھلتی ہے اور جوں جوں کھلتی ہے حیران کرتی جاتی ہے ۔ جناب ضیا الدین نعیم گفتگو، عادات و اطوار، تحریر الغرض ہر شعبہ ہائے زندگی میں بہت نپے تلے اظہار پر قادر ہیں ۔ وہ نہ صرف کم الفاظ میں بڑی بات کرنا جانتے ہیں بلکہ بظاہر بڑی بڑی مگر غیر ضروری باتوں کو خوبصورتی سے نظر انداز کرنے کے ہنر سے بھی آشنا ہیں ۔

میں انہیں معاشرے کا جیتا جاگتا شجر سمجھتا ہوں جو کڑی دھوپ میں ارد گرد موجود کثافتوں میں سے لطافتیں کشید کرکے اپنی شاعری اور گفتگو کے ذریعے معاشرے میں تازگی اور سائے کی فراہمی کا سبب ہے ۔ ان کی گفتگو اور شاعری دونوں نئے حوصلے دیتے ہیں ۔ اب کوئی اس سے زیادہ کیا خوشبو پھیلائے؟

نہیں ہیں بند گلیاں، بند گلیاں

انہیں سے تازہ رستے پھوٹے ہیں

مزید دیکھیے

پرویز ساحر | حافظ محبوب احمد | ڈاکٹر عزیز فیصل | ڈاکٹر محمد حسین مشاہد رضوی | راحل بخاری | سلمان رسول | سید شاکر القادری | سید ضیا الدین نعیم | عباس عدیم قریشی | مجید اختر | محمد اسامہ سرسری | محمد عارف قادری | نورین طلعت عروبہ | سید وحید القادری عارف