عالم نظامی
اردو مشاعروں کے حوالے سے شہرت پانے والے شاعر عالم نظامی کا اصلی نام شاہ محمد اور ان کے والد کا نام مرحوم غلام حسین شاہ نظامی ہے آپ کا تعلق بھارت کے صوبے اتر پردیش سے ہےآپ یکم جنوری 1984 کو بھارت کے صوبے اترپردیش ضلع بلرام کے چندہ پور گاؤں میں پیدا ہوئے-آپ ایک بہترین شاعر و ادیب کے ساتھ ساتھ بہت اچھے نثر نگار بھی ہیں ہندوستان کے مختلف شعرا پر آپ کے مضامین اردو اخبار و رسائل میں شائع ہوچکے ہیں۔آپ کی وجہ شہرت اردو غزلوں کے ساتھ ساتھ حمدیہ ونعتیہ شاعری بھی ہے آپ ویسے تو کئ اصناف ادب میں طبع آزمائی کر چکے ہیں لیکن صنف نعت آپ کی پسندیدہ صنف ہے
نعت گوئی کاسفر
آپ نےابتدائی تعلیم اپنے گاؤں کے مدرسے میں حاصل کی اس کے بعددارالعلوم محبوب سبحانی، کرلا ممبئی میں شعبئہ حفظ میں داخلہ لیا، آپ کسی وجہ سے تعلیمی سلسلے کو جاری نہ رکھ سکے اور قرأت کی دستار و سند حاصل کرنے کے بعد کاروبار میں مصروف ہوگئے ، آپ کے والد غلام حسین شاہ نظامی بہت مذہبی انسان تھے علماء سے بےپناہ عقیدت رکھتے تھے اسلئے ہندوستان کے بہت نامور علماء اور خطبا آپ کے والد کا نہ صرف احترام کرتے تھے بلکہ ان کی ہر گزارش کو قبول بھی کرتے تھے چنانچہ والد گرامی کی درخواست پر آپ کو بہت چھوٹی عمر سے ہی بڑے بڑے جلسوں میں آسانی سے نعت پڑھنے کا شرف حاصل ہوا -شاید یہ آپ کے والد گرامی کی شفقت و محبت اور تربیت کا نتیجہ ہے جس نے آپ کو نعت گوئی کی طرف آمادہ کیا تقریباً بارہ سال کی عمر سے ہی آپ کی نعت خوانی اور نعت گوئی کا سفر کا آغاز ہوا ، 13 سال کی عمر میں آپ نے مدرسے کے لئے اپنے مدرسے کے لئے ایک نظم لکھی جس کی اصلاح سید شاکر حسین صیفی نے فرمائ اس کے دو شعر ملاحظہ فرمائیں
تری ہے شان بھی کیا شان اے محبوب سبحانی
زمانے پر ترا احسان اے محبوب سبحانی
تری چوکھٹ سے نکلے کس قدر قرآن کے حافظ
ہے تجھ پہ غوث کا فیضان اے محبوب سبحانی
اردو مشاعروں کا سفر
آپ ابتدا میں شاہ محمد کیفی کے نام سے متعارف ہوئے بعد میں اردو مشاعروں میں عالم نظامی کے نام سے مشہور ہوئے۔ تقریباً بیس سال کی عمرسے با قاعدہ اردو مشاعروں میں آپ کی شرکت ہورہی ہے اب تک بھارت کے مختلف صوبوں اور علاقوں کے مشاعروں میں آپ ایک شاعر کی حیثیت سے شریک ہوکر سرمایۂ داد و تحسین وصول کر چکے ہیں
اعزازات
علمی ادبی شعری اعزاز مہاراشٹر اسٹیٹ اردو ساہتیہ اکیڈمی
حمدیہ ونعتیہ شاعری
- گردش وقت کے جب ظلم و ستم یاد آئے
- تری مدح خوانی ہو مشغلہ میں ہمیشہ تیری ثنا کروں
- رب نے سن لی مری فریاد صدا سے پہلے
- محشر میں کون کس کا بھلا غمگسار ہے
- چاندنی رات ہے میں ہوں مری تنہائی ہے
- رخ خدا کے سامنے دل مصطفیٰ کے سامنے
- ہر شخص جہاں کا سائل ہے ہر شخص جہاں کا منگتا ہے
- جلاتے رہئے سدا مدحت نبی کا چراغ
- ہر گھڑی پیش نظر روضئہ عالی ہوتا
- شام بھی مدینے میں رات بھی میں رات بھی مدینے میں
- انکی تخلیق کے باعث ہی بنی ہے دنیا
نعت خوانی
آپ بہت ہی مترنم خوش آہنگ نعت خواں ہیں تاہم نعت خوانی سے یہ آپ کی محبت ہے جو آج بھی آپ ممبئی کے عظیم نعت خواںسید مناظر حسن اشرف کے زیر سایہ اپنے نعت خوانی کے فن کو سنوار رہے ہیں فی الوقت آپ ممبئی میں مقیم ہیں نیز دبستانِ اردو ،ممبئی کے سیکریٹری بھی ہیں جس کے ذریعے اپنے ادبی خدمات کو بھی انجام دے رہے ہیں
سوشل میڈیا کے روابط
نعت کائنات پر عالم نظامی کی شراکتیں
عالم نظامی کے صفحے پر مزید دیکھیے میں جتنے بھی شعراء کا ذکر ہے ان کے صفحات عالم نظامی نے شروع کیے ہیں ۔ عالم نظامی کا یہ کام انتہائی قابل ِ ستائش ہے ۔
مزید دیکھئے
شخصیات : شکیل جمالی | قمر صدیقی | معین شاداب | افضل الہ آبادی | راحت انجم | عزم شاکری | عالم نظامی | عبید اعظم اعظمی | عاصی بیاروی | انجم بارہ بنکوی | قتیل شفائی | انس نبیل | اسیر برہانپوری | اقبال اشہر | طاہر فراز | زبیر گورکھپوری | محمودالحسن ماہر | سید مناظر حسن اشرف | لکشمن شرما واحد | عزیز نبیل | شکیل اعظمی | | حسن فتح پوری | خالد ندیم | دانش جاوید | نظر بجنوری | کاشف ابرار | ماجد دیوبندی | ہاشم فیروزآبادی | نعیم اختر خادمی | طاہر فراز | لکشمن شرما واحد | عمران عطائی | سید مناظر حسن اشرف | الطاف ضیاء | زبیر گورکھپوری | شکیل اعظمی | حق کانپوری | اجمل سلطانپوری | شبنم جبلپوری | گنیش بہاری طرز | ندیم صدیقی | شعور اعظمی | عرفان جعفری | مشتاق احمد مشتاق | واحد انصاری | صابر فریدی | تبسم عزیزی | شکیل عارفی | جاوید عاصی | حبیب ہاشمی | عقیل نعمانی | ساز الہ آبادی | عمران گونڈوی | اثر صدیقی |
