لوح بھی تو قلم بھی تو تیرا وجود الکتاب ۔ علامہ اقبال

شاعر: ڈاکٹر علامہ محمد اقبال

نعت ِ رسول ِ کریم صلی اللہ علیہ وآلہ وسلم

لوح بھی تو قلم بھی تو تیرا وجود الکتاب گنبدِ آبگینہ رنگ تیرے محیط میں حباب

عالمِ آب و خاک میں تیرے ظہور سے فروغ ذرہ ریگ کو دیا تو نے طلوعِ آفتاب

شوکت سنجر و سلیم، ترے جلال کی نمود فقرِ جنید و بایزید تیرا جمال بے نقاب

شوق ترا اگر نہ ہو میری نماز کا امام میرا قیام بھی حجاب میرا سجود بھی حجاب

تیری نگاہِ ناز سے دونوں مراد پاگئے عقل، غیاب و جستجو، عشق، حضور و اضطراب

نعت خوانوں کی پذیرائی

• | سید فصیح الدین سہروردی کی آواز میں

• | قاری شاہد محمود کی آواز میں

• | خورشید احمد کی آواز میں

• | مرغوب احمد ہمدانی کی آواز میں

• | حمیرا ارشد کی آواز میں

• | سید منظور الکونین کی آواز میں

• | سید زبیب مسعود کی آواز میں

• | سرور حسین نقشبندی کی آواز میں

• | حافظ قاری احسان محسن کی آواز میں

مزیددیکھیے

علامہ اقبال | کلام اقبال میں نعتیہ عناصر | وہی قرآں، وہی فرقاں، وہی یسیں ، وہی طہ