مدحت خیرالبشر ﷺ سب کے مقدر میں کہاں(ڈاکٹر محمد شفیع )

ﷺ

مدحت خیرالبشر ﷺ سب کے مقدر میں کہاں

یہ سعادت، یہ ہنر سب کے مقدر میں کہاں

ہادیٔ جنّ و بشر، محبوب داور کے سوا

میہمانی عرش پر سب کے مقدر میں کہاں

جو مقدس شہر مسکن ہے رسول اللہ کا

اس کی گلیوں سے گزرسب کے مقدر میں کہاں

پہلوئے سرکار ﷺ میں سوئے ہیں صدّیق و عمر

یہ سکون معتبر سب کے مقدر میں کہاں

جس دعا کے فیض سے ایمان لے آئے عمر

وہ دعا اور وہ اثر سب کے مقدر میں کہاں

حضرت عثماں کو ذوالنورین جس نے کر دیا

وہ عنایت کی نظر سب کے مقدر میں کہاں

آج بھی تاریخ ہجرت کہہ رہی ہے اے شفیعؔ

بستر خیرالبشر ﷺ سب کے مقدر میں کہاں

فہرست رہنمائی