میں بیت اللہ سے مسعود تحفہ لے کے آیا ہوں (مسعود حسن مسعودؔ )

شاعر : مسعود حسن مسعودؔ

مطبوعہ : دبستان نعت ۔ شمارہ نمبر 2

نعتِ رسولِ آخر صلی اللہ علیہ وآلہ وسلم

میں بیت اللہ سے مسعود تحفہ لے کے آیا ہوں

غلاف کعبہ ٔ اقدس کا ٹکرا لے کے آیا ہوں

خدا کی راہ کا یثرب سے سودا لے کے آیا ہوں

حقیقت میں طریقت کا یہ تمغہ لے کے آیا ہوں

ہے اب پیشِ نگاہ ِ شو ق ہر دم شانِ رحمت کی

بتاؤں کیا کہ اس سرکار سے کیا لے کے آیا ہوں

سماتا ہی نہیں نظروں میں میری طور کا منظر

کسی کا دل کے آئینے میں جلوہ لے کے آیا ہوں

شرف حاصل ہوا دربار احمد میں رسائی کا

میں بیمار محبت تھا مداوا لے کے آیا ہوں

میرے سینے میں عکس گنبد خضریٰ منوّر ہے

میں گویا کعبہ ٔ دل میں مدینہ لے کے آیا ہوں

شفاعت کا بھروسہ نقدِ رحمت ہاتھ آیا ہے

مدینہ اور مکہ سے خزانہ لے کے آیا ہوں

جو مانگا حق سے وہ پایا رسول اللہ کے در سے

کہوں کیا حضرت واعظ میں کیا کیا لے کے آیا ہوں

گیا تھا سوئے کعبہ ساز آہنگِ جنوں لے کے

مدینہ سے عجب پُر کیف نغمہ لے کے آیا ہوں

نہایت سخت تھی مسعودؔ عصیاں کی گراں باری

مگر حضرت سے بخشش کا سہارا لے کے آیا ہوں

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

گذشتہ ماہ زیادہ پڑھے جانے والے موضوعات
Free Mp3 Downloads Natt فری ایم پی تھری نعت ڈاؤن لوڈ نعت لائبریری، شاہدرہ کلیات نعت، محسن کاکوروی مقدمہ، تقریظ اور دیباچہ غیر مسلم شعراء کی نعت گوئی المدیح النبوی ۔ایک مطالعہ ،- ڈاکٹر ابوسفیان اصلاحی	کلام اقبال میں نعتیہ عناصر اردو نعت کی شعری روایت۔ایک جائزہ ۔ ڈاکٹر محمد اشرف کمال نعت ورثہ ۔ 2017 کی بہترین نعت کی تلاش نعت رنگ ۔ شمارہ نمبر 26 ۔ نعت نامے نعت میں ادبِ اطفال ۔ تنویر پھول مدحت اور احمد ندیم قاسمی کی نعت ۔ امجد سلام امجد

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی