وہ میرا نبی میرا نبی میرا نبی ہے

شاعر: احسان محسن

وڈیو ۔ شاعر کی آواز میں

نعتِ رسولِ آخر صلی اللہ علیہ وآلہ وسلم

وہ جس کے لئے محفل کونین سجی ہے

فردوس بریں جس کے وسیلے سے بنی ہے

وہ ہاشمی مکّی مدنیُ العربی ہے

وہ میرا نبی ، میرا نبی ، میرا نبی ہے۔

احمد ہے محمد ہے وہی ختم ِ رُسل ہے

مخدوم و مربّی ہے وہی والئ کل ہے

اُس پر ہی نظر سارے زمانے کی لگی ہے

وہ میرا نبی ، میرا نبی ، میرا نبی ہے۔

والشمس ضحٰی چہرہء انور کی جھلک ہے

والیل سجیٰ گیسوئے حضرت کی لچک ہے

عالم کو ضیاء جس کے وسیلے سے ملی ہے

وہ میرا نبی ، میرا نبی ، میرا نبی ہے۔

اللہ کا فرماں الم نشرح لک صدرک

منسوب ہے جس سے ورفعنا لک ذکرک

جس ذات کا قرآن میں بھی ذکر جلی ہے

وہ میرا نبی ، میرا نبی ، میرا نبی ہے۔

مُزّمل و یٰسین و مدّثر و طٰہٰ

کیا کیا نئے القاب سے مولا نے پکارا

کیا شان ہے اس کی کہ جو اُمّی لقبی ہے

وہ میرا نبی ، میرا نبی ، میرا نبی ہے۔

وہ ذات کہ جو مظہر لو لاک لما ہے

جو صاحب ۔۔۔ ۔۔ بہ معراج ہوا ہے

اصرام امامت جسے نبیوں کی ملی ہے

وہ میرا نبی ، میرا نبی ، میرا نبی ہے۔

کس درجہ زمانے میں تھی مظلوم یہ عورت

پھر جس کی بدولت ملی اسے عزت و رفعت

وہ محسن و غم خوار ہمارا ہی نبی ہے

وہ میرا نبی ، میرا نبی ، میرا نبی ہے۔

مزید دیکھیے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نعت خوانی کے بارے اہم صفحات
نعت گوئی اور اس کے تقاضے ۔ بابر حسین بابر نعت خوانی اس کا جنون تھا ۔ یونس ہمدم نعت خواں بھی سریلے ہوتے ہیں ۔ یونس ہمدم نعتیہ کلام اور فلمی گلوکاری ۔ یونس ہمدم	نعت خوانی کی روایت ۔ نور درویش خواتین کی نعت خوانی اور سوشل میڈیا کا فتنہ ۔ ارسلان محمود نعت خوانی ایک منافع بخش کاروبار ۔ جمشید چشتی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ