کرو غم سے آزاد یا مصطفےٰ ۔ داغ دہلوی
نعت کائنات سے
نظرثانی بتاریخ 15:29، 21 جون 2017ء از Admin (تبادلۂ خیال | شراکتیں)
شاعر : داغ دہلوی
نعتِ رسولِ آخر صلی اللہ علیہ وآلہ وسلم[ترمیم | ماخذ میں ترمیم کریں]
<ref> ڈاکڑ شہزاد احمد، انوار عقیدت، انٹرنینشل حمد و نعت فاونڈیشن کراچی ۔ جون 2000</ref> کرو غم سے آزاد یا مصطفےٰ
تمہیں سے ہے فریاد یا مصطفےٰ
نہ پامال مجھ کو زمانہ کرے
نہ مٹی ہو برباد یا مصطفےٰ
زباں پہ ترا نام جاری رہے
کرے دل تری یاد یا مصطفےٰ
نہ چھوٹے کبھی مجھ سے راہِ صولب
نہ ہو ظلم و بیداد یا مصطفےٰ
عطا مجھ کو اللہ ہمت کرے
بجا لاوں ارشاد یا مصطفےٰ
رہوں حشر میں آپ کی ذات سے
طلبگارِ امداد یا مصطفےٰ
عنایت کی ہو جائے اس پر نظر
رہے داغ دل شاد یا مصطفےٰ