ہم کو اپنی طلب سے سوا چایئے ۔ خالد محمود خالد
نعت کائنات سے
نظرثانی بتاریخ 13:36، 1 اگست 2017ء از Admin (تبادلۂ خیال | شراکتیں)
شاعر: خالد محمود خالد
نعتِ رسولِ آخر صلی اللہ علیہ وآلہ وسلم
ہم کو اپنی طلب سے سوا چایئے
آپ جیسے ہیں ویسی عطا چایئے
کیوں کہیں یہ عطا وہ عطا چایئے
آپ کو علم ہے ہم کو کیا چایئے
اک قدم بھی نہ ہم چل سکیں گے حضور
ہر قدم پہ کرم آپ کا چایئے
آستانِ حبیب خدا چایئے
اور کیا ہم کو اس کے سوا چایئے
آپ اپنی غلامی کی دے دیں سند
بس یہی عزت و مرتبہ چایئے
