نعت کائنات - صارف کی شراکتیں [ur]

احمد ندیم قاسمی

2017-07-12T11:59:59Z

39.55.59.130:

{{بسم اللہ }}
[[زمرہ: پرائڈ آف پرفارمنس ]]

احمد ندیم قاسمی کا اصلی نام احمد شاہ اعوان تھا۔وہ [[20 نومبر]] [[1916]]میں پیدا ہوئے اور [[10جولائی]] [[2006]]کو وفات پائی۔احمد ندیم قاسمی کی وجہ ء شہرت ان کی اردو انگریزی میں شاعری،افسانہ نگاری ادبی نقاد اور صحافت ہے۔انہوں قریباً50 کے قریب کتب تحریر کیں۔کم و بیش 50برس تک ادبی جریدے "فنون" کے ایڈیٹر اور پبلشر بھی
رہے۔حکومتِ پاکستان نے ان کی گراں قدر ادبی خدمات پر انہیں پرائڈ آف پرفارمنس اور ستارہ ء امتیاز جیسے اعزازت سے بھی نوازا۔

* [[مناجات ۔ احمد ندیم قاسمی ]]

* [[کچھ نہیں مانگتا شاہوں سے شیدا تیرا ۔ احمد ندیم قاسمی | کچھ نہیں مانگتا شاہوں سے شیدا تیرا ]]

* [[ اس قدر کون محبت کا صلہ دیتا ہے ۔ احمد ندیم قاسمی | اس قدر کون محبت کا صلہ دیتا ہے ]]

*[[خلد مری صرف اس کی تمنا،صلی اللہ علیہ و سلم ۔ احمد ندیم قاسمی | خلد مری صرف اس کی تمنا، صلی اللہ علیہ و سلم ]]

*[[دنیا ہے ایک دشت تو گلزار آپ{{ص}} ہیں ۔ احمد ندیم قاسمی | دنیا ہے ایک دشت تو گلزار آپ{{ص}} ہیں ]]

=== شاعری ===

=== احمد ندیم قاسمی پر مضامین ===

[[جدید اردو نعت اور احمد ندیم قاسمی ۔ از امجد اسلام امجد]]

===بیرونی روابط ===

[[ اے آر وائی ڈیجیٹل ]] نے احمد ندیم قاسمی پر جو پرگرام پیش کیے اس کا ربط : : https://www.youtube.com/watch?v=kmCqHd9qO3Q

===شراکتیں===

[[صارف:تیمورصدیقی| تیمور صدیقی]] | [[ صارف: ارم نقوی | ارم نقوی ]]

[[زمرہ: شعراء]]
[[زمرہ: غزل گو شعراء ]]
[[زمرہ: نعت گو شعراء]]
[[زمرہ: مشہور نعت گو شعراء]]

احمد ندیم قاسمی کی حمدیہ و نعتیہ شاعری

2017-07-12T11:30:44Z

39.55.59.130: /* نمونہ ء کلام */

{{بسم اللہ}}

==== نمونہ ء کلام ====

[[دل میں اترتے حرف سے مجھ کو ملا پتا ترا ۔ احمد ندیم قاسمی | دل میں اترتے حرف سے مجھ کو ملا پتا ترا]]

[[دنیا ہے ایک دشت تو گلزار آپ ہیں ۔ احمد ندیم قاسمی | دنیا ہے ایک دشت تو گلزار آپ ہیں]]

[[تو جب آیا تو مٹی روح و بدن کی تفریق ۔ احمد ندیم قاسمی | تو جب آیا تو مٹی روح و بدن کی تفریق]]

[[میری پہچان ہے سیرت ان کی ۔ احمد ندیم قاسمی | میری پہچان ہے سیرت ان کی]]

[[اس قدر کون محبّت کا صِلہ دیتا ہے ۔ احمد ندیم قاسمی | اس قدر کون محبّت کا صِلہ دیتا ہے]]

[[قطرہ مانگے جو کوئی تو اُسے دریا دے دے ۔ احمد ندیم قاسمی | قطرہ مانگے جو کوئی تو اُسے دریا دے دے]]

[[خلد مری صرف اس کی تمنا صلی اللہ علیہ والہ وسلم ۔ احمد ندیم قاسمی | خلد مری صرف اس کی تمنا صلی اللہ علیہ والہ وسلم]]

[[راہ گم کردہ مسافر کا نگہباں تو ہے ۔ احمد ندیم قاسمی | راہ گم کردہ مسافر کا نگہباں تو ہے]]

[[میں کہ بے وقعت و بے مایہ ہوں ۔ احمد ندیم قاسمی | میں کہ بے وقعت و بے مایہ ہوں]]

[[میں نے یہ مانا کہ وہ میرا ہے تو سب کا بھی وہی ۔ احمد ندیم قاسمی | میں نے یہ مانا کہ وہ میرا ہے تو سب کا بھی وہی]]

[[عالم کی ابتدا بھی ہے تو ، انتہا بھی تو ۔ احمد ندیم قاسمی | عالم کی ابتدا بھی ہے تو ، انتہا بھی تو]]

[[مجھ کو تو اپنی جاں سے بھی پیارا ہے ان کا نام ۔ احمد ندیم قاسمی | مجھ کو تو اپنی جاں سے بھی پیارا ہے ان کا نام]]

[[ہر ایک پھول نے مجھ کو جھلک دکھائی تری ۔ احمد ندیم قاسمی | ہر ایک پھول نے مجھ کو جھلک دکھائی تری]]

[[مری حیات کا گر تجھ سے انتساب نہیں ۔ احمد ندیم قاسمی | مری حیات کا گر تجھ سے انتساب نہیں]]

[[کتنا سادہ بھی ہے سچا بھی ہے معیار ان کا ۔ احمد ندیم قاسمی | کتنا سادہ بھی ہے سچا بھی ہے معیار ان کا]]

=== مزید دیکھیے ===

[[احمد ندیم قاسمی]]

کتنا سادہ بھی ہے سچا بھی ہے معیار ان کا ۔ احمد ندیم قاسمی

2017-07-12T11:29:23Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== کتنا سادہ بھی ہے سچا بھی ہے معیار ان کا ان کی گفتا...

{{بسم اللہ}}

شاعر: [[احمد ندیم قاسمی]]

==== {{نعت}} ====

کتنا سادہ بھی ہے سچا بھی ہے معیار ان کا

ان کی گفتار کا آئینہ ہے کردار ان کا

ان کے پیکر میں محبت کو ملی ہے تجسیم

پیار کرتا ہے ہر انساں سے ، پرستار ان کا

امتیازات مٹانے کے لیے آپ آئے

ظلم کی آگ بجھانے کے لئے آپ آئے

آدمیت سے تھا محروم گلستانِ حیات

اور یہ پھول کھلانے کے لیے آپ آئے

آپ کے دامنِ رحمت کا سہارا ہے مجھے

میں حکومت کی عنایت کا طلبگار نہیں

آپ کے سامنے کرتا ہوں یہ اعلان کہ میں

حق پرستی سے جو باز آؤں تو فنکار نہیں

احمد ندیم قاسمی کی حمدیہ و نعتیہ شاعری

2017-07-12T11:26:49Z

39.55.59.130: /* نمونہ ء کلام */

مری حیات کا گر تجھ سے انتساب نہیں ۔ احمد ندیم قاسمی

2017-07-12T11:24:22Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== مری حیات کا گر تجھ سے انتساب نہیں تو پھر حیات سے ب...

{{بسم اللہ}}

شاعر: [[احمد ندیم قاسمی]]

==== {{نعت}} ====

مری حیات کا گر تجھ سے انتساب نہیں

تو پھر حیات سے بڑھ کر کوئی عذاب نہیں

امڈ رہی ہیں اگر آندھیاں تو کیا غم ہے

کہ میرا خیمہِ ایمان بے طناب نہیں

ترے کمالِ مساوات کی قسَم ہے مجھے

کہ تیرے دیں سے بڑا کوئی انقلاب نہیں

ندیم پر ترے احساں ہے اس قدر جن کا

کوئی شمار نہیں ہے کوئی حساب نہیں

احمد ندیم قاسمی کی حمدیہ و نعتیہ شاعری

2017-07-12T11:22:53Z

39.55.59.130: /* نمونہ ء کلام */

ہر ایک پھول نے مجھ کو جھلک دکھائی تری ۔ احمد ندیم قاسمی

2017-07-12T11:22:04Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== ہر ایک پھول نے مجھ کو جھلک دکھائی تری ہوا جدھر سے...

{{بسم اللہ}}

شاعر: [[احمد ندیم قاسمی]]

==== {{نعت}} ====

ہر ایک پھول نے مجھ کو جھلک دکھائی تری

ہوا جدھر سے بھی آئی ، شمیم لائی تری

وہ شخص اپنے مقدر کا خود ہے صورت گر

کہ جس نے اپنے ارادوں میں لَو لگائی تری

مرے نقوشِ قدم پر چراغ کیوں نہ جلیں

کہ رہنما ہے مری شانِ رہنمائی تری

گواہی دیتا ہے یہ ارتقائے انسانی

کہ کام آئی جہاں بھر کو پیشوائی تری

مجھے قسَم ہے تری سیرتِ منَزَّہ کی

کہ تاج و تخت پہ اک طنز تھی چٹائی تری

احمد ندیم قاسمی کی حمدیہ و نعتیہ شاعری

2017-07-12T11:19:43Z

39.55.59.130: /* نمونہ ء کلام */

مجھ کو تو اپنی جاں سے بھی پیارا ہے ان کا نام ۔ احمد ندیم قاسمی

2017-07-12T11:18:14Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== مجھ کو تو اپنی جاں سے بھی پیارا ہے ان کا نام شب ہے...

{{بسم اللہ}}

شاعر: [[احمد ندیم قاسمی]]

==== {{نعت}} ====

مجھ کو تو اپنی جاں سے بھی پیارا ہے ان کا نام

شب ہے اگر حیات ، ستارا ہے ان کا نام

تنہائی کس طرح مجھے محصور کر سکے

جب میرے دل میں انجمن آرا ہے ان کا نام

ہر شخص کے دکھوں کا مداوا ہے ان کی ذات

سب پاشکستگاں کا سہارا ہے ان کا نام

بے یاروں ، بے کسوں کا اثاثہ ہے ان کی یاد

بے چارگانِ دہر کا چارا ہے ان کا نام

لب وا رہیں تو اسمِ مُحمّد ادا نہ ہو

اظہارِ مدعا کا اشارہ ہے ان کا نام

لفظ مُحمّد اصل میں ہے نطق کا جمال

لحنِ خدا نے خود ہی سنوارا ہے ان کا نام

قرآن پاک ان پہ اتارا گیا ندیم

اور میں نے اپنے دل پہ اتارا ہے ان کا نام

احمد ندیم قاسمی کی حمدیہ و نعتیہ شاعری

2017-07-12T11:16:15Z

39.55.59.130: /* نمونہ ء کلام */

عالم کی ابتدا بھی ہے تو ، انتہا بھی تو ۔ احمد ندیم قاسمی

2017-07-12T11:13:08Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== عالم کی ابتدا بھی ہے تو ، انتہا بھی تو سب کچھ ہے تو...

{{بسم اللہ}}

شاعر: [[احمد ندیم قاسمی]]

==== {{نعت}} ====

عالم کی ابتدا بھی ہے تو ، انتہا بھی تو

سب کچھ ہے تو ، مگر ہے کچھ اس کے سوا بھی تو

کندہ درِ ازل پہ ترا اسمِ پاک تھا

قصرِ ابَد میں گونجنے والی صدا بھی تو

فردا و حال و ماضئ انساں یہی تو ہے

تو ہی تو ہو گا ، تو ہی تو ہے اور تھا بھی تو

یوں تو مرے ضمیر کا مسند نشیں بھی ہے

لیکن ہے شش جہات میں جلوہ نما بھی تو

تو میرِ کارواں بھی ہے ، سَمتِ سفر بھی ہے

میرا امام بھی ، مرا قبلہ نما بھی تو

بے اجْر تیرے در سے نہ پلٹے گی میری نعت

اک اور نعت کا مجھے دے گا صلہ بھی تو

احمد ندیم قاسمی کی حمدیہ و نعتیہ شاعری

2017-07-12T11:11:29Z

39.55.59.130: /* نمونہ ء کلام */

میں نے یہ مانا کہ وہ میرا ہے تو سب کا بھی وہی ۔ احمد ندیم قاسمی

2017-07-12T11:10:53Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== میں نے یہ مانا کہ وہ میرا ہے تو سب کا بھی وہی مجھ ک...

{{بسم اللہ}}

شاعر: [[احمد ندیم قاسمی]]

==== {{نعت}} ====

میں نے یہ مانا کہ وہ میرا ہے تو سب کا بھی وہی

مجھ کو یہ ناز ، وہ سب کا ہے تو میرا بھی وہی

وہ مری عقل میں ہے ، وہ میرے وجدان میں ہے

میری دنیا بھی وہی ہے ، مری عقبی بھی وہی

وہ جو برسا مری تشکیک کے صحراؤں میں

میرے وہموں کی شبِ تار میں چمکا بھی وہی

وہ بشَر ہے کہ یہی اس کا ارشاد مگر

اس جہانِ بشریت میں ہے یکتا بھی وہی

گرچہ پرکار مشیت کا وہی دائرہ ہے

لیکن اس دائرے کا مرکزی نکتہ بھی وہی

احمد ندیم قاسمی کی حمدیہ و نعتیہ شاعری

2017-07-12T11:07:34Z

39.55.59.130: /* نمونہ ء کلام */

میں کہ بے وقعت و بے مایہ ہوں ۔ احمد ندیم قاسمی

2017-07-12T11:06:33Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== میں کہ بے وقعت و بے مایہ ہوں تیری محفل میں چلا آیا...

{{بسم اللہ}}

شاعر: [[احمد ندیم قاسمی]]

==== {{نعت}} ====

میں کہ بے وقعت و بے مایہ ہوں

تیری محفل میں چلا آیا ہوں

آج ہوں میں ترا دہلیز نشیں

آج میں عرش کا ہم پایہ ہوں

چند پل یوں تری قربت میں کٹے

جیسے اِک عمر گزار آیا ہوں

تیرا پیکر ہے کہ اِک ہالہِ نور

جالیوں سے تجھے دیکھ آیا ہوں

کہ یہ کہیں خامیِ ایماں ہی نہ ہو

میں مدینے سے پلٹ آیا ہوں

احمد ندیم قاسمی کی حمدیہ و نعتیہ شاعری

2017-07-12T11:04:36Z

39.55.59.130: /* نمونہ ء کلام */

راہ گم کردہ مسافر کا نگہباں تو ہے ۔ احمد ندیم قاسمی

2017-07-12T11:03:56Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== راہ گم کردہ مسافر کا نگہباں تو ہے آفتِ جاں پہ مثال...

{{بسم اللہ}}

شاعر: [[احمد ندیم قاسمی]]

==== {{نعت}} ====

راہ گم کردہ مسافر کا نگہباں تو ہے

آفتِ جاں پہ مثال مہ تاباں تو ہے

اس خدا سے مجھے کیسے ہو مجالِ انکار

جس کے شہ پارہِ تخلیق کا عنواں تو ہے

یہ بتانے کو کہ با وزن ہے انسان کی ذات

دست یزداں نے جو بخشی ہے وہ میزاں تو ہے

تیرا کردار ہے احکامِ خدا کی تائید

چلتا پھرتا ، نظر آتا ہوا قرآں تو ہے

رنگ کی قید نہ قدغن کوئی نسلوں کی یہاں

جس کے در سب پہ کھلے ہیں وہ دبستاں تو ہے

میرے نقاد کو شاید ابھی معلوم نہیں

میرا ایماں ہے مکمل ، مرا ایماں تو ہے

احمد ندیم قاسمی کی حمدیہ و نعتیہ شاعری

2017-07-12T11:02:17Z

39.55.59.130: /* نمونہ ء کلام */

خلد مری صرف اس کی تمنا صلی اللہ علیہ والہ وسلم ۔ احمد ندیم قاسمی

2017-07-12T11:01:21Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== خلد مری صرف اس کی تمنا صلی اللہ علیہ والہ وسلم وہ...

{{بسم اللہ}}

شاعر: [[احمد ندیم قاسمی]]

==== {{نعت}} ====

خلد مری صرف اس کی تمنا صلی اللہ علیہ والہ وسلم

وہ مرا سدرہ ، وہ مرا طوبی صلی اللہ علیہ والہ وسلم

اس کا جلال ہے بحر و بر میں ، اس کا جمال ہے کوہ و قمر میں

اس کی گرفت میں عالمِ اشیا صلی اللہ علیہ والہ وسلم

کتنے صحیفے میں نے کھنگالے ، نصف اندھیرے ، نصف اجالے

تو ہی حقیقت ، تو ہی صداقت ، باقی سب کچھ صرف ہیولا

تو نے دیا مفہوم نمو کو ، تو نے حیات کو معنی بخشے

تیرا وجود اثبات خدا کا ، تو جو نہ ہوتا ، کچھ بھی نہ ہوتا

احمد ندیم قاسمی کی حمدیہ و نعتیہ شاعری

2017-07-12T10:58:32Z

39.55.59.130: /* نمونہ ء کلام */

قطرہ مانگے جو کوئی تو اُسے دریا دے دے ۔ احمد ندیم قاسمی

2017-07-12T10:57:33Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== قطرہ مانگے جو کوئی تو اُسے دریا دے دے مجھ کو کچھ ا...

{{بسم اللہ}}

شاعر: [[احمد ندیم قاسمی]]

==== {{نعت}} ====

قطرہ مانگے جو کوئی تو اُسے دریا دے دے

مجھ کو کچھ اور نہ دے، اپنی تمنا دے دے

وہ جو آسوُدگی چاہیں انہیں آسوُدہ کر

بے قراری کی لطافت مجھے تنہا دے دے

میں اس اعزاز کے لائق تو نہیں ہوں لیکن

مجھ کو ہمسائیگی گنبد خضری دے دے

غم تو اِس دور کی تقدیر میں لکھے ہیں مگر

مُجھ کو ہر غم سے نمٹ لینے کا یارا دے دے

تب سمیٹوں میں ترے ابرِ کرم کے موتی

میرے دامن کو جو تو وسعتِ صحرا دے دے

تیری رحمت کا یہ اعجاز نہیں تو کیا ہے

قدم اُٹھیں تو زمانہ مجھے رَستا دے دے

جب بھی تھک جائے محبّت کی مسافت میں ندیم

تب تِرا حُسن بڑھے اور سنبھالا دے دے

احمد ندیم قاسمی کی حمدیہ و نعتیہ شاعری

2017-07-12T10:54:10Z

39.55.59.130: /* نمونہ ء کلام */

اس قدر کون محبّت کا صِلہ دیتا ہے ۔ احمد ندیم قاسمی

2017-07-12T10:52:44Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== اس قدر کون محبّت کا صِلہ دیتا ہے اُس کا بندہ ہوں ج...

{{بسم اللہ}}

شاعر: [[احمد ندیم قاسمی]]

==== {{نعت}} ====

اس قدر کون محبّت کا صِلہ دیتا ہے

اُس کا بندہ ہوں جو بندے کو خدا دیتا ہے

جب اُترتی ہے مِری رُوح میں عظمت اُس کی

مجھ کو مسجوُد ملائک کا بنا دیتا ہے

رہنمائی کے یہ تیور ہیں کہ مجھ میں بَس کر

وہ مجھے میرے ہی جوہر کا پتا دیتا ہے

اُس کے ارشاد سے مجھ پر مِرے اَسرار کُھلے

کہ وہ ہر لفظ میں آئینہ دِکھا دیتا ہے

ظُلمتِ دہر میں جب بھی میں پُکاروں اُس کو

وہ مِرے قلب کی قندیل جلا دیتا ہے

اُس کی رحمت کی بھلا آخری حد کیا ہو گی

دوست کی طرح جو دُشمن کو دعا دیتا ہے

وہی نِمٹے گا مِری فِکر کے سناٹوں سے

بُت کدوں کو جو اَذانوں سے بسا دیتا ہے

وہی سرسبز کرے گا مِرے ویرانوں کو

آندھیوں کو بھی جو کردارِ صبا دیتا ہے

فن کی تخلیق کے لمحوں میں، تصوّر اُس کا

روشنی میرے خیالوں میں مِلا دیتا ہے

قصر و ایواں سے گُزر جاتا ہے چُپ چاپ ندیم

دَر محمد کا جب آئے تو صدا دیتا ہے

احمد ندیم قاسمی کی حمدیہ و نعتیہ شاعری

2017-07-12T10:49:56Z

39.55.59.130: /* نمونہ ء کلام */

میری پہچان ہے سیرت ان کی ۔ احمد ندیم قاسمی

2017-07-12T10:45:38Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== میری پہچان ہے سیرت ان کی میرا ایمان ! محبت ان کی آ...

{{بسم اللہ}}

شاعر: [[احمد ندیم قاسمی]]

==== {{نعت}} ====

میری پہچان ہے سیرت ان کی

میرا ایمان ! محبت ان کی

آج ہم فلسفہ کہتے ہیں جسے

وہ مساوات تھی عادت ان کی

فتحِ مکہ ، مرے دعوے کی دلیل

عدل کی جان ، عدالت ان کی

حرفِ اَتًمَمْتُ عَلَیْکُم ہے گواہ

حسنِ تکمیل ہے بعثت ان کی

ارتقا اس سے اجازت مانگے

اُن کی ہو جائے جو امت اُن کی

میں کہ راضی بہ رضائے رب ہوں

کوئی حسرت ہے تو حسرت ان کی

وقت اور فاصلہ برحق لیکن

میرا فن کرتا ہے بیعت ان کی

احمد ندیم قاسمی کی حمدیہ و نعتیہ شاعری

2017-07-12T10:40:56Z

39.55.59.130: نیا صفحہ: {{بسم اللہ}} ==== نمونہ ء کلام ==== دل میں اترتے حرف سے مجھ کو ملا پتا ترا ۔ احمد ندیم قاسمی | دل میں اتر...

تو جب آیا تو مٹی روح و بدن کی تفریق ۔ احمد ندیم قاسمی

2017-07-12T10:37:44Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== تو جب آیا تو مٹی روح و بدن کی تفریق تو نے انساں کے...

{{بسم اللہ}}

شاعر: [[احمد ندیم قاسمی]]

==== {{نعت}} ====

تو جب آیا تو مٹی روح و بدن کی تفریق

تو نے انساں کے خیالوں میں لہو دوڑایا

سمٹ آیا ترے اک حرف صداقت میں وہ راز

فلسفوں نے جسے تاحدِ گماں الجھایا

راحتِ جاں ! ترے خورشیدِ محبت کا طلوع

دھوپ کے روپ میں ہے ابر کرم کا سایا

اپنے رفیقوں کے لئے پتھر بھی ڈھوئے آپ نے

اور دشمنوں کے حق میں مصروفِ دعا بھی آپ ہیں

ظلماتِ این و آں میں ہوں ، میں کب سے سرگرمِ سفر

اور اس سفر میں ، میری منزل کا پتہ بھی آپ ہیں

دنیا ہے ایک دشت تو گلزار آپ ہیں ۔ احمد ندیم قاسمی

2017-07-12T10:35:10Z

39.55.59.130: نیا صفحہ: {{بسم اللہ}} شاعر: احمد ندیم قاسمی ==== {{نعت}} ==== دنیا ہے ایک دشت تو گلزار آپ ہیں اس تیرگی میں مطلعِ...

{{بسم اللہ}}

شاعر: [[احمد ندیم قاسمی]]

==== {{نعت}} ====

دنیا ہے ایک دشت تو گلزار آپ ہیں

اس تیرگی میں مطلعِ انوار آپ ہیں

یہ بھی ہے سچ کہ آپ کی گفتار ہے جمیل

یہ بھی ہے حق کہ صاحبِ کردار آپ ہیں

ہو لاکھ آفتابِ قیامت کی دھوپ تیز

میرے لیے تو سایہِ دیوار آپ ہیں

مجھ کو کسی سے حاجتِ چارہ گری نہیں

ہر غم مجھے عزیز کہ غم خوار آپ ہیں

انسان مال و زر کے جنوں میں ہے مبتلا

اس حشر میں ندیم کو درکار آپ ہیں