یہ حسن و رنگ یہ نور و نکھار آپ سے ہے ۔ اختر الحامدی الرضوی

شاعر: اختر الحامدی الرضوی

مطبوعہ : نعت رنگ ۔ شمارہ نمبر 27

نعتِ رسولِ آخر صلی اللہ علیہ وآلہ وسلم

یہ حسن و رنگ یہ نور و نکھار آپ سے ہے

حسین کعبہ ، حسیں ہر بہار آپ سے ہے

یہ کہکشاں یہ ستارے یہ پھول یہ غنچے

یہ کائنات جناں درکنار آپ سے ہے

بسی ہے آپ کے گیسوئے عنبریں کی مہک

فضا ہے مست ہوا مشک بار آپ سے ہے

ہر ایک اوج نے پائی ہے آپ سے عظمت

ہر اِک وقار کو حاصل وقار آپ سے ہے

یہ ہست و بود ،وجود و عدم ، ظہور ونمود

یہ نظمِ گردشِ لیل و نہار آپ سے ہے

محیطِ ارض و سما ہیں تجلیّات حضور

بہشتِ قلب و نظر کی بہار آپ سے ہے

سجی ہے آپ کے جلووں سے بزمِ کن فیکوں

حسین محفلِ پروردگار آپ سے ہے

مدینہ دور سہی ، بے نوا سہی اخترؔ !

بس اِک نگاہ کا اُمید وار آپ سے ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی