آپ ہیں افضل الانسان رسول اکرم ۔ رویندر جین

شاعر : رویندر جین

نعتِ رسولِ آخر صلی اللہ علیہ وآلہ وسلم

آپ ہیں افضل الانسان رسولِ اکرم

آپ کی شان عجب شان رسولِ اکرم

آپ اللہ کے مہمان رسولِ اکرم

روزِ اول کے ہیں عنوان رسولِ اکرم

اور محشر کے ہیں سلطان رسولِ اکرم

آپ تکمیلِ مساوات ،امین و صادق

آپ ہیں افضل الانسان رسولِ اکرم

آپ کے ماننے والوں میں ضروری تو نہیں

صرف شامل ہوں مسلمان رسولِ اکرم

آپ ہی کی تو بدولت ہے میسر ہم کو

وہ جسے کہتے ہیں قرآن رسولِ اکرم

آپ اکرام ہی اکرام عطائے اول

آپ احسان ہی احسان رسولِ اکرم

آپ کا ذکر ہے وہ ذکر کہ جس کو سن کر

پختہ ہو جاتا ہے ایمان رسولِ اکرم