بے بضاعت ہی سہی نعت نبی لکھی ہے ۔ رحمان حفیظ

شاعر : رحمان حفیظ

نعتِ رسولِ آخر صلی اللہ علیہ وآلہ وسلم

بے بضاعت سہی پر نعتِ نبی لکھی ہے

عشق کے زیر ِ اثر نعت ِ نبی لکھی ہے

پہلے میں صرف سراپا ہی لکھا کرتا تھا

اب کے با رنگِ دگر نعت ِ نبی لکھی ہے

دیکھ آجائے گا باری پہ بلاوا اک روز

اے مرے شوقِ سفر ! نعت ِ نبی لکھی ہے

دیکھئے کیسے مرے قلب کو تسکین ملی

اب ہے کچھ شور نہ شر، نعتِ نبی لکھی ہے

دل میں اک پیڑ لگایا تھا کبھی الفت کا

ہے اسی کا یہ ثمر، نعتِ نبی لکھی ہے

کیسے کج بخت ہیں جن کو یہ دکھائی بھی نہ دے

دہر کے آئینے پر، نعتِ نبی لکھی ہے

زائرِ طیبہ ! ترے ہاتھ پہ بیعت کر لوں

تو نے حسان کے گھر نعتِ نبی لکھی ہے

شہر کا شہر پُرانوار ہُوا ، میں نے تو

بیٹھ کے اپنے ہی گھر نعتِ نبی لکھی ہے

ویسے میں اتنی توجہ کا تو حقدار نہیں

مگر اے اہلِ نظر نعت ِ نبی لکھی ہے

میری آنکھوں کی چمک دیکھ کے حیراں کیوں ہو

میں نے اے شمس و قمر نعتِ نبی لکھی ہے

کتنا آنکھوں سے لگاوں تجھے کتنا چوموں

تو نے اے دست ہنر ! نعتِ نبی لکھی ہے

نعت کہنے سے مِری طبع ہوئی ایسی رواں

دیکھئے ، ! بارِ دگر نعت ِ نبی لکھی ہے

کھول رکھی ہے فرشتے نے مِری فردِ عمل

آنکھ ٹھہری ہے،جدھر نعتِ نبی لکھی ہے

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی