دل میں لئے محبت، میں نعت لکھ رہا ہوں

شاعر: فاروق رضا

بشکریہ:عالم نظامی

نعتِ رسولِ آخر صلی اللہ علیہ وآلہ وسلم

دل میں لئے محبت، میں نعت لکھ رہا ہوں

اے عشق اے عقیدت، میں نعت لکھ رہا ہوں

ان کے کرم سے پہلے، میں کیا تھا، کچھ نہیں تھا چمکی ہے میری قسمت، میں نعت لکھ رہا ہوں

عشق نبی کی مئے سے، سرشار ہو گیا ہوں

ہے بے خودی کی حالت، میں نعت لکھ رہا ہوں

ذکرِ رسول رحمت، تسکینِ قلب و جاں ہے

پانے کو غم میں راحت، میں نعت لکھ رہا ہوں

ٹکڑے کئے قمر کے، پلٹایا ڈوبا سورج

یہ ان کی شان و قدرت، میں نعت لکھ رہا ہوں

ہے ان کے نام نامی، میں وہ اثر کہ جس سے

ٹلتی ہے ہر مصیبت، میں نعت لکھ رہا ہوں

مدحت کا ان کی محشر، میں یہ صلہ ملے گا

ہوگی رضا شفاعت، میں نعت لکھ رہا ہوں