دل کو آئینہ بنایا گیا جن کی خاطر ۔ اعظم چشتی
نعت کائنات سے
Jump to navigationJump to search
نعت ِ رسول ِ کریم صلی اللہ علیہ وآلہ سلم[ترمیم | ماخذ میں ترمیم کریں]
دل کو آیئنہ بنایا گیا جن کی خاطر
آنکھ کو ہوش میں لایا گیا جن کی خاطر
نغمہ بلبل کو سیکھایا گیا جن کی خاطر
گل میں خوشبو کو بسایا گیا جن کی خاطر
جن کی خاطر ہوئی تخلیق بہار ابدی
باغ توحید سجایا گیا جن کی خاطر
شاخ کو، غنچے کو، بلبل کو چمن کو گل کو
عالم وجد میں لایا گیا جن کی خاطر
عرش کو مہر کو انجم کو فلک کو مہ کو
ہمہ تن چشم بنایا گیا جن کی خاطر
وہ جمال ازلی جلوہ ذات احدی
سارے نبیوں سے چھپایا گیا جن کی خاطر
