دھوپ سے گذرے جو ہم صلے علی پڑھتے ہوئے

شاعر: نعیم اختر خادمی

بشکریہ:عالم نظامی

نعتِ رسولِ آخر صلی اللہ علیہ وآلہ وسلم

دھوپ سے گذرے جو ہم صلے علی پڑھتے ہوئے

آ گیا ابرِ کرم صلے علی پڑھتے ہوئے

خود بخود تحریر ہو جائے گی نعتِ مصطفی

رکھ دو کاغذ پر قلم صلے علی پڑھتے ہوئے

اور بھی باطن کو اپنے پاک کرنے کے لئے

کررہا ہوں خود پہ دم صلے علی پڑھتے ہوئے

گاہِ گاہِ ان بزرگو ں کی طرف بھی دیکھئے

ہو گئے جو محترم صلے علی پڑھتے ہوئے

منزلیں خود بڑ ھ کے آجائیں گی استقبال کو

تم اٹھاؤ تو قدم صلے علی پڑھتے ہوئے

دیکھتے رہتے ہیں آئے دن تصور میں نعیم ؔ

گنبدِ خضریٰ کو ہم صلے علی پڑھتے ہوئے

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659