سرکارﷺ کی باتیں
کتاب : سرکارﷺ کی باتیں
شاعر: تنویر سیٹھی
پبلشر: طلوعِ اشک پبلیکیشنز 0300-4850461
صفحات : 112
قیمت: 500 روپے
سال ِ اشاعت : 2023
تعارف کنندہ : ارسلان ارشد
سرکارﷺ کی باتیں[ترمیم | ماخذ میں ترمیم کریں]
تنویر سیٹھی پر ربِ کریم کا خاص فضل و کرم ہے کہ کچھ ہی عرصے کے وقفے سے اُن کا دوسرا مجموعہء نعت منظر عام پر آگیا ہے۔ وہاڑی سے تعلق رکھنے والے تنویر سیٹھی بنیادی طور پر بینکاری کے شعبہ سے منسلک ہیں مگر اس کے ساتھ ساتھ اُن کا ادبی ذوق و شوق بھی دیدنی ہے نعت کے علاوہ بھی ان کی ڈیڑھ درجن کے قریب کتب شائع ہو چکی ہیں۔
"سرکارﷺ کی باتیں" کے ابتدائی صفحات پر اعظم توقیر، عاصم عاصی اور زاہد اقبال بھیل کے کتاب اور صاحبِ کتاب بارے تاثرات ہیں جبکہ اس کتاب میں موجود نعوت کی تعداد 57 ہے۔ زیادہ تر نعتیں معروف بحور پر آسان الفاظ کے ساتھ لکھی گئی ہیں جو محافلِ نعت میں پڑھنے کے لئے اچھا انتخاب ثابت ہو سکتا ہے۔
منتخب اشعار[ترمیم | ماخذ میں ترمیم کریں]
فلک سے روشنی ہے ایک پھوٹنے والی
حجابِ شب کو ہٹاؤ کہ نعت لکھتے ہیں
یا محمد یا خدا جانے حقیقت نعت کی
لامکاں سے بھی ہے آگے جب کہ رفعت نعت کی
میری آنکھوں میں اُجالے بھر گئے تھے اُس گھڑی
جب کتاب اپنی میں، مَیں نے کی زیارت نعت کی
ہے جب کہ خزاؤں نے اُجاڑا اِسے آقاﷺ
سرسبز رُتیں آئیں شجر پر تو کرم ہو
ابرِ رحمت کی چمک کو لئے جائیں آؤ
طیبہ پہنچیں تو پھر اک جشن منائیں آؤ
