محمد کا حسن وجمال اللہ اللہ ۔ محمد علی ظہوری

مرکزی صفحہ

اردو نعتیں

پنجابی نعتیں

نعتِ رسولِ آخر صلی اللہ علیہ وآلہ وسلم

محمد کا حسن و جمال ، اللہ اللہ

وہ اِک پیکر بے مثال اللہ اللہ

نہ ان سا کوئی خوبرو دو جہاں میں

نہ ان سا کوئی خوش خصال اللہ اللہ

خدا کا ہوا اور مہمان نہ کوئی

یہ عظمت یہ رتبہ کمال اللہ اللہ

ہے زیرنگیں سطوت ہر دو عالم

محمد کا رُعب وجلال اللہ اللہ

بُتانِ عرب پر ہوا طاری لرزہ

اذاں دے رہے ہیں بلالؓ اللہ اللہ

ثنأ خوانی مصطفےٰ کی بدولت

ظہور ہے شیریں مقال اللہ اللہ