ہے ایک سیل ندامت اس آبگینے میں ۔ سعود عثمانی

شاعر: سعود عثمانی

نعتِ رسولِ آخر صلی اللہ علیہ وآلہ وسلم

ہے ایک سیل ندامت اس آبگینے میں

عجیب ہے یہ سمندر کہ ہے سفینے میں

ہے بند آنکھ میں بھی عکس مسجد نبوی

جڑا ہوا ہے یہی خواب اس نگینے میں

کسی نے اسم محمدؐ پڑھا تو ایسا لگا

کہ جیسے کوئی پرندہ اڑا ہو سینے میں

میں ایک بے ادب و کم شناس اعرابی

سلگتے دشت سے آیا ہوا مدینے میں

سعودؔ یوں بھی تو ممکن ہے حاضری لگ جائے

میں اپنے شہر میں ہوں اور دل مدینے میں

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی