ہر سمت موجزن ہے جو فیضانِ مصطفیٰ(ڈاکٹر مجیب شہزرؔ) کا مسودہ

[[ملف:  Dabastan_e_naat.jpg | دبستان نعت ۔ شمارہ نمبر 2]]

{{بسم اللہ }}

شاعر :  [[ڈاکٹر مجیب شہزر ]]

مطبوعہ : [[ دبستان  نعت ۔ شمارہ نمبر 2 ]]	

=== {{نعت }} ===


ہر سمت موجزن ہے جو فیضانِ مصطفیٰ

احسانِ مصطفیٰ ہے یہ احسانِ مصطفیٰ

دنیا سنور گئی مرا عقبیٰ سنور گیا

ہاتھوں میں آگیا مرے دامانِ مصطفیٰ

فرما دیا کہ اُمّتِ عاصی کی مغفرت

پوچھا خدا نے جب کبھی ارمانِ مصطفیٰ

اے آفتابِ حشر ترا غم نہیں ہمیں

ہم اُمّتی ہیں سایہ نشینانِ مصطفیٰ

حالانکہ یورشیں تو بہت ہیں خزائوں کی

لیکن مہک رہا ہے گلستانِ مصطفیٰ

کترا کے ان سے گردشِ دوراں گزر گئی

جو بھی ہوئے ہیں نغمہ سرایانِ مصطفیٰ

حائل تھے درمیاں جو حجابات اُٹھ گئے

یہ عظمتِ رسول ہے یہ شانِ مصطفیٰ

ہم جن کو آسمانی صحیفہ کہیں مجیبؔ

مدّاحِ مصطفیٰ ہیں ثنا خوانِ مصطفیٰ

{{ ٹکر 1 }}

{{ باکس 2 }}

{{ٹکر 2017 کی بہترین نعت کی تلاش }}

{{منتخب شاعری }}