دلکش و حسنِ مجسم تری اعلٰی قامت ۔ عباس عدیم قریشی

شاعر : عباس عدیم ہاشمی

نعت ِ رسول ِ کریم صلی اللہ علیہ وآلہ وسلم

قدِ زیبائے رسول صلی اللہ علیہ وآلہ وسلم <REF> سہ فروغ ِ نعت، اٹک، شمارہ : 16- 17 اپریل تا ستمبر 2017، ص 25​ </REF>

دلکش و حسنِ مجسم تری اعلیٰ قامت

معتدل حسن مکمّل کا حوالہ قامت

قد، وہ قد حسن تناسب کا مرقّع کہیے

جاں نثاروں میں نظر آئے جو بالا قامت

خلقتِ اصل میانہ ہے پہ اللہ غنی

سب سے ممتاز ہی لائے شہِ والا قامت

مثل و تمثیل نہیں جس کی وہ مینار ہیں آپ

نور قامت ہیں حضور آپ اجالا قامت

ظلِ رحمت میں چھپالے جو خطا کاروں کو

اور کس کی ہے عدیمؔ ایسی دوشالہ قامت