کرم کیجئے تاجدارِ مدینہ

گلوکارہ : مبارک بیگم

نعتِ رسولِ آخر صلی اللہ علیہ وآلہ وسلم

ستم گر تو ہم پرستم ڈھا رہے ہیں

مظالم کے پھندے کَسے جا رہے ہیں

حضورؐ آپؐ کیوں دیر فرما رہے ہیں

چمن لٹ چلا اے بہارِ مدینہ۔۔۔

کرم کیجئے۔۔۔ کرم کیجئے، تاجدارِ مدینہ

گراتا ہے نظروں سے ہم کو زمانہ

حقیقت بنی جا رہی ہے فسانہ

کہیں بھی نہیں اب ہمارا ٹھکانہ

ٹھکانا ہے بس، رہگذارِ مدینہ

کرم کیجئے۔۔۔ کرم کیجئے تاجدارِ مدینہ

اجالا جو دیکھے سیاہی لٹا دے

دمِ راہ منزل کو راہی لٹا دے

قدم چوم لے اور شاہی لٹا دے

نگاہوں میں رکھ لے، غبارِ مدینہ

کرم کیجئے۔۔۔ کرم کیجئے تاجدارِ مدینہ

مزید دیکھیے

• کرم کیجِیے تاجدار مدینہ ۔ غلام جیلانی خان