جہاں میں جو عزّ و جاہ چاہے ۔ سلمان رسول

شاعر: سلمان رسول

نعت پاک رسول کریم صلی اللہ علیہ و الہ وسلم

جہاں میں جو عزّ و جاہ چاہے

حضورﷺ کو بے پناہ چاہے

جبیں کو قدموں میں ان کے رکھ دے

جو سر پہ اپنے کلاہ چاہے

رہے ہمیشہ غلام ان کا

اگر کوئی مہر و ماہ چاہے

جو ان کے در کا ہوا گدا، وہ

نہ پھر کوئی بارگاہ چاہے

ہو نام ان کا جو ڈھال اپنی

تو سامنے ہو سپاہ چاہے

ازل سے سلمان ان کا عاشق

انھی کی بس وہ نگاہ چاہے

مزید دیکھیے

سلمان رسول | سلمان رسول کی حمدیہ و نعتیہ شاعری