اپنی قسمت میں بس خیال کا حظ ۔ سلمان رسول
نعت کائنات سے
نظرثانی بتاریخ 08:49، 1 جولائی 2017ء از Admin (تبادلۂ خیال | شراکتیں)
نعتِ رسولِ آخر صلی اللہ علیہ وآلہ وسلم
شاعر: سلمان رسول
اپنی قسمت میں بس خیال کا حظ
ان کے اصحاب کو جمال کا حظ
کتنے خوش بخت تھے جو دیکھ کے رخ
روز اٹھاتے تھے خدّ و خال کا حظ
ان کی سیرت نگاری ایسے ہے
گویا محبوب سے وصال کا حظ
نعت کہنے کا بھی مزا ہے عجب
جیسے زخموں سے اندمال کا حظ
عشق احمد نہیں ہے لمحاتی
ہے مسلسل یہ ماہ و سال کا حظ
تپتے صحرا میں کلمہ پڑھتا رہا
ہو گا سوچو تو کیا بلال کا حظ
