جیسے پروانے روشنی پہ نثار۔ سلمان رسول

شاعر: سلمان رسول

نعتِ رسولِ آخر صلی اللہ علیہ وآلہ وسلم

جیسے پروانے روشنی پہ نثار

امتی بھی ہیں یوں نبی پہ نثار

ہو چٹائی پہ بھی جو شاہ زمن

رتبے سب اس کی سادگی پہ نثار

تھی جو صدیق سے محمد(ص) کی

زندگی ایسی دوستی پہ نثار

صبح جس کی اذاں سے ہو پیدا

اس موذن کی نغمگی پہ نثار

وہ جو حسان کے کلام میں ہے

شاعری ایسی چاشنی پہ نثار

مجھ کو آ جائے اسم احمد یاد

جب بھی ہووے کوئی کسی پہ نثار

=== مزید دیکھیے ===

سلمان رسول | سلمان رسول کی حمدیہ و نعتیہ شاعری