زباں پر ہے‘ دلوں میں ہے‘ مکاں سے لامکاں تک ہے ۔ سید وحید القادری عارف

شاعر: وحید القادری عارف

نعت ِ رسول ِ کریم صلی اللہ علیہ وآلہ وسلم

زباں پر ہے‘ دلوں میں ہے‘ مکاں سے لامکاں تک ہے

اُنہی کے نام کا چرچا زمیں سے آسماں تک ہے

کرم کا اُن کے جاری سلسلہ بابِ جناں تک ہے

غلاموں کا یہ سرمایہ یہاں سے ہے وہاں تک ہے

حرم سے مسجدِ اقصیٰ وہاں سے تا بہ اَو اَدنیٰ

ظہورِ شانِ محبوبی کہاں سے ہے کہاں تک ہے

مقامِ مصطفیٰ سدرہ پہ ظاہر ہوگیا جس دم

کہا جبریل نے میری رسائی بس یہاں تک ہے

رضا آقا کی مل جائے تو راضی رب بھی ہوجائے

غلاموں کی پنہچ آقا تمہارے آستاں تک ہے

علاجِ اضطرابِ آدمیت کیوں نہ ہو اِس جا

نظر سرکار کی اسرارِ رازِ کُن فَکاں تک ہے

وہی جلوہ نما ہوں جس طرف دیکھوں جہاں دیکھوں

مری حدِ تخیل جس قدر بھی ہے جہاں تک ہے

مری نعتوں میں بستی ہے نسیمِ گلشنِ طیبہ

خوشا قسمت کہ یہ خوشبو مرے اِس گلستاں تک ہے

بیاں کرنے لگا ہوں مدحتِ سرکار میں عارفؔ

عجب اک کیف طاری قلب سے نوکِ زباں تک ہے

مزید دیکھیے

پچھلا کلام | اگلا کلام | وحید القادری عارف کی حمدیہ و نعتیہ شاعری |وحید القادری عارف کی حمدیہ و نعتیہ شاعری | وحید القادری عارف کا مرکزی صفحہ

---

اپنے ادارے کی نعتیہ سرگرمیاں، کتابوں کا تعارف اور دیگر خبریں بھیجنے کے لیے رابطہ کیجئے۔

نئے اضافہ شدہ کلام

ان کے الطاف کے بعد، ان کی عطا سے پہلے - احمد جاوید ہے چہرہ چاند تو ساری شخصیت چاندنی، آہا - نعیم صدیقی شکستہ راستوں کو راستی کا حکم ملے ۔ اکرام اللہ اعظم میں نے عُمرے پہ جاتے ہووں سے کہا، ایک دربار ہے ہر کوئی ان کو چہرہ ء قرآن کہہ رہا ہے نعت کیا ہے - نمرہ گل خان ترے خیال کو دل میں بسا کے لایا ہوں ۔ عارف عبد المتین روضہ ہے مرے سامنے گھر بھول گیا ہوں ۔ اسلم فیضی جو مقدس ہے زمانے میں مگر دیکھا ہے ۔ حافظ لدھیانوی دیکھتے جلوہ سرکار کو آتے جاتے ۔ کفایت اللہ کافی

قلم نے لوح پر نام محمد جب لکھا ہو گا۔ غلام سرور لاہوری تمنا آرزو حسرت مری آنکھوں میں رہتی ہے۔ ظہیر قدسی نامِ شاہِ امم دل سے لف ہو گیا ۔ اشفاق احمد غوری آنکھیں سجود میں ہیں تو دِل کا قیام ہے ۔ اختر شمار رضی الدین رضی کی مکالماتی نعت شہرطیبہ کے دروبام سے باندھے ہوئے رکھ ۔ قمر رضا شہزاد طیبہ کی اُس ریت پہ پھولوں کے مسکن قربان ۔ نجم الاصغر شاہیا خاک جب اس پیکر نوری کا مدفن ہو گئی ۔ عاصی کرنالی کہاں میں کہاں مدح ِ ذات ِ گرامی ۔ ماہر القادری سوال: عبد کی معبود تک رسائی ہے ۔ حزیں صدیقی

"نعت کائنات " پر اپنے تعارفی صفحے ، شاعری، کتابیں اور رسالے آن لائن کروانے کے لیے رابطہ کریں ۔ سہیل شہزاد : 03327866659

نئے صفحات
سرور حسین نقشبندی تقدیس قلم مناقب حضرت عثمان غنی کلیات صبیح رحمانی عبد الغنی تائب زبیب مسعود ڈاکٹر جوہر قدوسی سلیم شہزاد کی تقدیسی شاعری "کشفیہ" پر تبصرہ