جمالِ عالمِ امکاں ، کمالِ فکر و نظر ۔ زکی کیفی

شاعر : زکی کیفی

نعتِ رسولِ آخر صلی اللہ علیہ وآلہ وسلم

جمالِ عالمِ امکاں ، کمالِ فکر و نظر

تِرے کمال پہ حیراں ، جمال پر شَشدر

عطا و لُطف و کرم کا مُحیط آپ کی ذات

فلاح و رُشد و ہدایت کا آپ ہی محور

مقام آپ کا ہر اِک مقام سے بالا

قیام آپ کا ہر ایک روح کے اندر

وہ معرفت کے شناوَر ، علوم کا مَنبع

وہ نورِ علم کا مخزن ، فیوض کے مصدر

وہ ہادیوں کے بھی ہادی ، پیمبروں کے امام

وہ بیکسوں کا سہارا ، وہ شافعِ محشر

مجھے ہو حشر میں تِشنہ لَبی کا کیوں شکوہ!؟

مِرے حضور وہاں ہوں گے ساقئِ کوثر

رسولِ رحمت و اُمّی لقب ، امیرِ اُمَم

وہ لُطف و رحمتِ ربِّ جلیل کے مَظہر

مزید دیکھیے

زیادہ پڑھے جانے والے کلام
اے سبز گنبد والے منظور دعا کرنا ۔ صابر صابری تو شاہ خوباں، تو جان جاناں، ہے چہرہ ام الکتاب تیرا ۔ صائم چشتی لم یات نظیرک فی نظر مثل تو نہ شد پیدا جانا ۔ احمد رضا بریلوی نہ کہیں سے دور ہیں منزلیں ۔ منور بدایونی طائف میں کربلا کے سفینے کی روشنی ۔ نجمہ شاہین کھوسہ نسیما ! جانب بطحا گزر کن . مولانا عبدالرحمن جامی	مصطفٰے جانِ رحمت پہ لاکھوں سلام۔ امام احمد رضا خان بریلوی حضور ایسا کوئی انتظام ہو جائے ۔ سید صبیح الدین صبیح رحمانی حدود طائر سدرہ حضور جانتے ہیں ۔ سرور حسین نقشبندی اس کرم کا کروں شکر کیسے ادا ۔ عبدالستار نیازی یا نبی نظر کرم فرمانا اے حسنین کے نانا ۔ اوصاف علی زمین و زماں تمہارے لیے۔ امام احمد رضا خان بریلوی